Koronavirusi nuk ka kursyer askënd, në këto tre muaj janë infektuar politikanë, artistë, këngëtarë e mjaftë të personazhe të njohur që kanë treguar eksperiencat e tyre të vështira si shkak i infektmit nga Covid-19. Kështu edhe aktori i njohur Nick Cordero ka njoftuar prej fundit të muajit prill se është infektuar nga koronavirusi, por sipas mediave të huaja mësohet se gjendja e tij nuk paraqitet e qëndrueshme dhe e mirë. Ky lajm është bërë me dije nga bashkëshortja e tij Amanda Kloots. “Nick është më mirë se dje. Ai akoma është shumë i sëmurë dhe ende po lufton me sëmundjen. Ata gjithashtu pastruan mushkëritë e tij për të ndihmuar në luftimin e infeksionit.”– ka shkruar ajo përmes një postimi në rrjetet sociale.
Në fund ajo u kërkon të gjithëve të luten për të, që të shërohet sa më parë nga kjo sëmundje e rëndë. Më tej mësohet se mjekët që po kudjesen për Corderon e kanë vendosur atë në një dhomë për t’u trajtuar nën kujdesin intensiv, për shkak se aktori ka akoma probleme me frymëmarrje. Por partnerja e tij ka zbuluar se ai nuk është më pozitiv për Covid-19 dhe krizat e tij të fundit shëndetësore kanë qenë komplikime nga qëndrimi i tij gjashtë javor në ICU.
