Një mace është lavdëruar pasi ka lajmëruar pronaren e saj ‘të panikosur’ për një situatë potencialisht të rrezikshme që mund të kishte përfunduar në katastrofë.
Një inxhinier gazi u thirr në një pronë në Swansea, Uells për të gjetur burimin e një rrjedhje gazi dhe ishte macja heroike ajo që i tregoi se ku të kërkonte.
Sean Evans, një inxhinier hidraulik gazi, mori një telefonatë pasi pronarja tha se ajo mund të dëgjonte zhurma dhe ai menjëherë e kuptoi se kishte një problem për shkak të aromës.
Megjithatë, kur erdhi puna për të gjetur se nga rridhte gazi, ai mori ndihmë nga një heroinë e pazakontë.
Macja Sëansea u pa duke gërvishtur në një zonë të caktuar të tapetit, duke dhënë një indicie inxhinierit të gazit se duhet të shikojë më nga afër se çfarë ishte poshtë tij.
Evans, drejtor i kompanisë së Beautiful Heating, vendosi të përqendrojë kërkimin e tij në zonën ku macja po gërvishte dhe kur ngriti tapetin e dyshemenë, gjeti rrjedhje e gazit.
“Një zonjë ishte në panik. Ajo telefonoi bordin e gazit sepse mund të dëgjonte zhurma nën dysheme, dhe bordi i gazit i tha asaj të thërriste një hidraulik, kështu që unë shkova të nesërmen në mëngjes. Sapo kalova nga dera ndjeva erën e gazit. Bëra testet e zakonshme në shtëpi dhe pati një rënie masive gazi. Pastaj thashë: T’u besojmë kafshëve, ku ka gërmuar macja? Kështu i besova instinktit të kafshës. Nuk mund të dëgjoja asgjë, por tërhoqa tapetin dhe dëgjova rrjedhjen e gazit direkt poshtë vendit ku macja po gërmonte nën tapet.”
Hidrauliku ngriti dërrasat e dyshemesë dhe pa se kishte një vrimë në tub direkt nën vendin ku macja kishte gërmuar.
Hidrauliku Evans theksoi se rrjedhja e gazit ishte aq e madhe sa që nëse ajo do të kishte ndezur dritën p.sh, ajo mund të kishte shembur gjithë shtëpinë.
