Një punonjës policie është përplasur nga një automjet ditën e sotme, në rrugën Durrës-Tiranë, në hyrje të Vorës. Polici me inicialet R.Q ishte duke kontrolluar një makinë pa targa. Në këtë moment, një makinë del nga rruga dhe përplas policin.
Automjeti drejtohej nga 20-vjeçari me inicialet M.B. Punonjësi i Policisë është dërguar menjëherë në spital dhe ndodhet nën kujdesin e mjekëve. Të dy drejtuesit e mjeteve të përfshirë në aksident janë shoqëruar në ambientet e Komisariatit të Policisë Vorë, për veprime të tjera hetimore. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
