Një aksident ka ndodhur dditën er sotme në afërsi të pallatit të Brigadave në Tiranë. Mësohet se një mjet ka humbur kontrollin dhe ka dalë nga rruga, duke përfunduar në nënkalim. Ngjarja ka ndodhur rreth orës 14:00.
Paraprakisht mësohet se në makinë po udhetonin dy vajza, ndërsa njëra prej tyre ka mbetur e plagosur. Policia është në vendngjarje për të hetuar rrethanat e aksidentit.
Tiranë/Informacion paraprak: Më datë 31.05.2022, në Rrugën Kuvajt, shtetasja L. S., duke drejtuar mjetin e saj, ka humbur kontrollin mbi drejtimin e mjetit dhe ka dalë nga rruga. Si pasojë është dëmtuar pasagjerja, shtetasja E. D., e cila ndodhet në spital, nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
