Një aksident i rëndë ka ndodhur në Britani, pasi një nënë me tre fëmijët e saj mbetën të vdekur teksa makina me të cilën udhëtonin u përplas me një kamion. Zoe Powell, 29 vjeçe, mbeti e vdekur së bashku me vajzat e saj Amelia dhe Phoebe, katër dhe tetë vjeçe, dhe djalin Simeon, gjashtë vjeç, pas aksidentin fatal. Burri i saj Joshua, 30 vjeç dhe vajza e tyre 18 muajshe po luftojnë për jetën e tyre në Spitalin John Radcliffe në Oksford.
Të katër anëtarët e familjes, nga Chinnor, Oxfordshire, u shpallën të vdekur në vendin e ngjarjes. Shoferi i kamionit, një 56-vjeçar, pësoi dëmtime të lehta. Oficeri i lartë hetues Rreshteri Dominic Mahon, i Njësisë së Hetimit të Përplasjes së Rëndë me qendër në Bicester, tha se rrëzimi ishte një ‘tragjedi absolute’. Ai tha: “Ne jemi në fazat e hershme të hetimit tonë për këtë incident tepër tragjik që ka rezultuar në vdekjen e katër njerëzve nga e njëjta familje.
