Ministrja e Shëndetësisë Ogerta Manastirliu u shpreh sot se vaksina anti-covid arrin që të ketë efekt edhe mbi variantin e ri të koronavirusit që është zbuluar në Britaninë e Madhe. Ndërkohë, që shtoi se po punohet për të siguruar sa më shpejt vaksinën dhe se janë përcaktuar grupet prioritare.
“Po punojmë për të pasur sa më shpejt vaksinën, arrin që të ketë efekte edhe mbi variantin e tij të këtij virusi, por u mbetet studimeve. Por armët që na kanë mbrojtur gjatë këtyre muajve do të vijojnë, maska, distanca, higjiena.
Festimi këtë vit duhet të jetë me familjen ngushtë. Janë përcaktuar grupet prioritare, ku do të fillohet me punonjësit e shëndetësisë, më pas në grupet e moshës mbi 75-vjeç, mbi 65 me sëmundje kronike dhe punonjësit e shërbimeve kritike” tha ajo.
