Fokusi kryesor i këtij takimi ishin politikat e qeverisë në nxitjen dhe mbështetjen e institucioneve të Arsimit të lartë, me qëllim zhvillimin e mëtejshëm të tyre, në kuadër të Ndërkombëtarizimit.
Më pas axhenda e Ministres së Arsimit dhe Sportit, Znj Evis Kushi në Universitetin “Ismail Qemali” Vlorë vijoi me ceremoninë e organizuar në sallën “Rilindja” të UV-së, në kuadër të konkretizimit të marrëveshjes së bashkëpunimit midis Universitetit “Ismail Qemali” Vlorë me Universitetin Politeknik të Barit, Itali.
Të pranishëm në aktivitet ishin, Kryetari i Bashkisë së Vlorës, Z.Ermal Dredha, Prefekti i Qarkut Vlorë, Z. Flamur Mamaj, Konsullja e Përgjithshme e Italisë në Vlorë, Znj. Ilva Palmieri, Kryetari i Këshillit të Qarkut, Z. Ervis Moçka, Zv. Ministrja e Turizmit dhe Mjedisit, Z. Vilma Bello, Kryetari i Dhomës së Tregtisë dhe Industrisë Vlorë, Z. Arben Breshani, deputetë, autoritete drejtuese të UV, pedagogë, studentë dhe shumë qytetarë të Vlorës.
Ceremonia e aktivitetit u çel nga Rektori i Universitetit “Ismail Qemali” Vlorë, Prof. Dr. Roland Zisi, i cili falenderoi në veçanti Kryeministrin e vendit, Z. Edi Rama, i cili ishte ideatori i realizimit të këtij aktiviteti, por që për shkak të axhendës shtetërore të ditës, e kishte të pamundur të ishte i pranishëm.
Rektori i UV shprehu mirënjohjen dhe falenderime në emër të institucionit që drejton për Kryeministrin Edi Rama, për politikat, idetë, interesimin, mbështetjen dhe kujdesin konkret që ai ka treguar në fushën e ndërkombëtarizimit të IAL shqiptare, dhe sidomos në mënyrë specifike për UV, duke kontribuar në mënyrë të drejtpërdrejtë tek autoritetet politike, administrative dhe universitare italiane, për çeljen e programeve të parbashkëta të studimit, siç është rasti sot i nënshkrimit të marrëveshjes specifike për programin e studimit Inxhinieri Mekanike.
Rektori i UV, Prof. Dr. Roland Zisi në përshëndetjen e tij shpehu mirënjohjen dhe konsideratat më të larta për Senatoren, Znj. Maria Alessandra Gallone dhe Rektorin e Universitetit Politeknik të Barit, Prof. Dr. Francesco Cupertino për të cilin Rektori i UV theksoi se, tashmë është një mik i shquar i UV, duke shprehur kënaqësinë e bashkëpunimit me një drejtues vizionar, intelektual europian mendjehapur, siç e cilësoi Rektori i UV-së, Prof. Dr. Roland Zisi.
Rektori i UV theksoi faktin se, nga kjo marrëveshje bashkëpunimi me Universitetin Politeknik të Barit studentët e UV, do të përfitojnë një diplomë europiane, duke mos qenë rezidentë të përhershëm në Bari dhe duke mos shpenzuar financa familjare shtesë sepse ato do të mbulohen nga Marrëveshja Erasmus plus, e nënshkruar mes dy institucioneve.
Rektori i Universitetit “Ismail Qemali” Vlorë, Prof. Dr. Roland Zisi, shprehu mirënjohje ndaj Ministres së Arsimit dhe Sportit, Znj. Evis Kushi, për mbështetjen e vazhdueshme që i ka dhënë Universitetit “Ismail Qemali” Vlorë dhe për vendimarrjen miratuese të kësaj marrëveshjes në një kohë të shkurtër, si dëshmi e qartë e mbështetjes së Ministrisë së Arsimit dhe Sportit ndaj zhvillimit të mëtejshëm të UV.
Rektori i UV, Prof. Dr. Roland Zisi falenderoi edhe Konsullin e Përgjithshëm të Shqipërisë në Bari të Italisë, Z. Arjan Vasjari për gjithë mbështetjen dhe kontributin e tij për nënshkrimin e kësaj marrëveshje.
Për të gjithë të pranishmit u shfaq dhe një video e prezantimit të Universitetit “Ismail Qemali” Vlorë, në të cilin u transmetuan dhe mesazhe nga studentë të huaj që kanë zhvilluar studime në UV.
Përshëndeti në aktivitet dhe studenti Erasmus+ dhe Alumni UV, Z. Tomor Hoxha.
Rektori i Universitetit Politeknik të Barit, Prof. Dr. Francesco Cupertino, në përshëndetjen e tij theksoi faktin se, për institucionin që drejton, është kënaqësi e veçantë bashkëpunimi me Universitetin “Ismail Qemali” Vlorë, duke pohuar se frytet e kësaj marrëveshje do të jenë mjaft cilësore për të dyja universitetet respektive. Ai bëri të ditur faktin se, të dy universitetet po punojnë për hartimin e tri programeve të përbashkëta të studimit: Bachelor në Inxhinieri Navale dhe Bachelor në Njohuri, Projektim dhe Menaxhim Trashëgimor.
Senatorja, Znj. Maria Alessandra Gallone, në referimin e saj theksoi faktin se, është kënaqësi të jesh pjesë e aktiviteteve të tilla, të cilat janë tregues i forcimit të bashkëpunimeve akademike mes universiteteve.
Znj. Gallone shprehu bindjen se, ky është hapi i parë i të tjera bashkëpunimeve mjaft të frytshme midis Universitetit Politeknik të Barit me Universitetin “Ismail Qemali” Vlorë.
Të dy Rektorët: Rektori i UV, Prof. Dr. Roland Zisi dhe Rektori i Universitetit Politeknik të Barit, Prof. Dr. Francesco Cupertino nënshkruan zyrtarisht marrëveshjen e bashkëpunimit “Për programin e dyfishtë të Studimit, Bachelor, në Inxhinieri Mekanike”.
Pas nënshkrimit të marrëveshjes, në fjalën e saj përshëndetëse Ministrja e Arsimit dhe Sportit, pohoi se, marrëveshja e bashkëpunimit midis Universitetit “Ismail Qemali” Vlorë dhe Universitetit Politeknik të Barit, është tregues i forcimit të mëteshëm të miqësisë mes dy vendeve: Shqipëri-Itali.
Ministrja e Arsimit dhe Sportit, Znj. Evis Kushi, shprehu konsideratat më të larta për UV e në veçanti për Rektorin e UV, Prof. Dr. Roland Zisi, nën drejtimin e të cilit ky institucion i Arsimit të lartë ka njohur zhvillim të mëtejshëm, duke patur shumë suksese, në veçanti në kuadër të ndërkombëtarizimit, pohoi Ministrja e Arsimit dhe Sportit, Znj. Evis Kushi.
Ministrja e Arsimit dhe Sportit garantoi se, do të vijojë mbështetja e institucionit që drejton ndaj Universitetit “Ismail Qemali” Vlorë, i cili kurdoherë e ka përkthyer mbështetjen e dhënë në suksese të vazhdueshme, duke e renditur UV një ndër universitetet më cilësore në vend.
Ministrja Kushi theksoi se, ligji i ri për Shkencën synon që t’i japë një frymë të re dhe bashkëkohore kërkimit shkencor, duke e përafruar me legjislacionin e BE-së dhe duke reflektuar zhvillimet e kohës, duke synuar zhvillimin e qëndrueshëm të vendit dhe rritjen e mirëqenies sociale, ngritjen e kapaciteteve të personelit shkencor; fuqizimin e lidhjeve ndërkombëtare me zonën evropiane të kërkimit; rritjen e përdorimit të infrastrukturës kërkimore shkencore; nxitjen e bashkëpunimit midis institucioneve të kërkimit shkencor, biznesit, institucioneve publike, shoqërisë civile, si dhe palëve të tjera të interesuara në veprimtari kërkimore shkencore dhe inovacion.
