Presidenti i zgjedhur i Amerikës, Joe Biden do t’u kërkojë amerikanëve që të mbajnë maska për 100 ditët e tij të para në detyrë për të kufizuar përhapjen e koronavirusit. Ai foli për CNN duke thënë se besonte se do të kishte një “zvogëlim të ndjeshëm” në rastet e Covid-19 nëse çdo amerikan do të mbante maskë.
Biden gjithashtu tha se ai do të urdhërojë që maskat të mbahen në të gjitha ndërtesat e qeverisë amerikane. Në një intervistë me Jake Tapper, Biden tha: “Ditën e parë që do të përurohem do t’i kërkoj amerikanëve që të mbajnë maska për 100 ditë. Vetëm 100 ditë me maska, jo përgjithmonë. Njëqind ditë.
Dhe unë mendoj se do të shohim një ulje të konsiderueshme nëse ndodh që, nëse kjo ndodh me vaksinat dhe maskimin për të ulur numrat në mënyrë të konsiderueshme.” ShBA ka regjistruar 14.1 milion raste dhe 276,000 v dekje nga Covid-19.
