Ukraina u ka bërë thirrje vendeve që të kriminalizojnë përdorimin e simbolit “Z” që tregon mbështetje për luftën.
Fillimisht simboli u përdor për të shënuar tanket ruse në Ukrainë, dhe mendohet se do të thotë “za pobedu” (për fitore) – është miratuar nga rusët për të sinjalizuar miratimin e pushtimit.
Tre shtete gjermane – Berlini, Bavaria dhe Saksonia e Poshtme – kanë thënë tashmë se kushdo që tund simbolin për të promovuar luftën mund të dënohet me deri në tre vjet burg.
Edhe ministria e brendshme e Gjermanisë ka paralajmëruar se ata që shfaqin simbolin për të miratuar pushtimin mund të ndiqen penalisht.
Ministri i Jashtëm ukrainas Dimitry Kuleba u ka bërë thirrje vendeve të tjera që të ndjekin shembullin e Gjermanisë.
“Z” do të thotë krime ruse të luftës, qytete të bombarduara, mijëra ukrainas të vrarë,” shkroi Kuleba në Tëitter. “Mbështetja publike e kësaj barbarie duhet të ndalohet”.
Simboli është ngjitur në një numër ndërtesash në Gjermani dhe tashmë është parë në bluza, flamuj dhe makina, sipas ministrisë së brendshme.
Lituania është ndër vendet e tjera që po shqyrton ndalimin e simbolit. Nëse miratohet atje, shkelësit mund të përballen me një gjobë deri në 500 € (423 £).
