Një ngjarje e rëndë tronditi Prrenjasin mbrëmjen e djeshme. Një 24-vjeçar ka humbur jetën në rrethana të pazakonta. Meleq Allidri humbi jetën sapo hyri në një bar-kafe në qytetin e Përrenjasit dhe sipas dëshmitarëve ai porositi kafen dhe u shemb në tokë. Dyshohet paraprakisht se i ndjeri vuante nga një sëmundje në zemër dhe ka pësuar infarkt ndërkohë pas autopsisë priten detaje të reja për ngjarjen e rëndë.
Lidhur me këtë ngjarja ronditëse kanë reaguar edhe të afërmit dhe miqtë e tij në rrjetet sociale të cilë shprehin ngushëllimin. “Si na ike kshu o vlla ca eshte kjo jet kshu mbreme defryem qeshem edhe sot ike na le me lot ne sy qofsh i xhenetit nuk do te harroj kurr vlla”, shkruan një mik i tij.
“Na i preve krahët o vlla…. kurrë sdo të harrojmë o flori”, shkruan një tjetër krah fotos. Dikush tjetër nuk e beson atë që i ka ndodhur të riut, ndërsa e konsideron një të vërtetë të hidhur duke ndarë me miqtë e tij një foto të Meleqit në rrjetet sociale.