Kryesia e Partisë Demokratike ka dalë mbrëmjen e sotme pas mbledhjes në selinë blu me propozime për zgjidhjen e situates
Kryesia e PD apelon që të ndërpriten menjëherë proceset e njëanshme të cilat jo vetëm që nuk ndihmojnë në bashkimin e partisë, por edhe e përçajnë më shumë.
Gjithashtu në qëndrimin e kryesisë së PD i bëhet sërish apel grupit të Berishës që së bashku të ngrenë një grup pune për bashkimin e demokratëve.
QËNDRIMI I KRYESISË SË PARTISË DEKOKRATIKE
1. Kryesia e Partisë apelon me forcë për shmangien e gjuhës së urrejtjes, shantazhit, përçarjes, fyerjes dhe arrogancës mes demokratëve dhe i bën thirrje secilit anëtar të Partisë të reflektojë dhe të rishikojë pozicionin e deritanishëm përçarës mes demokratëve. Nga përçarja dhe konflikti i brendshëm mes demokratëve dëmtohet Partia Demokratike dhe përfiton vetëm regjimi i Edi Ramës.
2. Kryesia e Partisë bën thirrje për ndërprerjen e menjëhershme të çdo iniciative dhe procesi të njëanshëm, që është duke u kryer në bazën e partisë, sepse përbëjnë akte përçarëse mes demokratëve. Kjo do të konsiderohej si shprehje vullneti për fillimin e procesit të bashkimit.
3. Kryesia e Partisë shpall vullnetin e saj për të bërë gjithçka në funksion të bashkimit dhe fton zyrtarisht në bisedime kolegët e palës tjetër. Për këtë qëllim krijohet një grup pune me pjesëmarrjen e anëtarëve të Kryesisë, Grupit Parlamentar dhe Kolegjit të Kryetarëve, duke ftuar që pjesë e këtij grupi pune ti’ bashkohen në numër të barabartë edhe përfaqësues të kolegëve të palës tjetër. Për konkretizimin e kësaj formule ngarkohet Kryetari i komanduar i PDSH.
