Agron Shehaj është deputeti i dytë më i votuar në Tiranë, pas kryedemokratit Lulzim Basha. Ai bëri fushatë në një zonë të vështirë për demokratët kryesisht në njësinë bashkiake numër 5, që njihet si bastion i socialistëve.
Por në votën preferenciale, Shehaj mori 13852 vota. Në një postim në rrjetet sociale ai po jep sinjale në PD që të mos e bojkotojnë Parlamentin. Partia më e madhe e opozitës ka dhënë sinjale se nuk do t’i njohë këto zgjedhje dhe që mund të pasohet me skenarin e bojkotimit të Parlamentit.
Shehaj në një postim në rrjetet sociale duket se është kundër këtij skenari dhe këtë e nënkupton me mesazhin e tij.
“Si çdo demokrat do dëshiroja që sot të kishim marrë mundësinë për të venë në jetë angazhimet që morëm para gjithë shqiptarëve për t’u dhënë atyre një qeveri të përgjegjshme që punon për njerëzit.
Por vota juaj për Partinë Demokratike nuk është e humbur, ajo do të përfaqësohet besnikërisht dhe me kurajo në Kuvendin e Shqipërisë, që mbi të gjitha u takon shqiptarëve të thjeshtë”, shkruan ai.
Potimi i plotë ,Dua t’ju falënderoj sinqerisht të gjithë ju që votuat Partinë Demokratike në Tiranë dhe veçanërisht në Njesinë 5 dhe 7, ku pata nderin të punoj bashkë me demokratët.
Mbi 9 mijë vota më shumë se në vitin 2017, në këto dy njesi, janë një besim i madh për partinë tonë. Si çdo demokrat do dëshiroja që sot të kishim marrë mundësinë për të venë në jetë angazhimet që morëm para gjithë shqiptarëve për t’u dhënë atyre një qeveri të përgjegjshme që punon për njerëzit.
Por vota juaj për Partinë Demokratike nuk është e humbur, ajo do të përfaqësohet besnikërisht dhe me kurajo në Kuvendin e Shqipërisë, që mbi të gjitha u takon shqiptarëve të thjeshtë.
U jam gjithashtu mirënjohës dhe ndihem përgjegjës ndaj të gjithë juve që shprehët besim tek unë personalisht. Do ta tregoj me punë, çdo ditë, se jam në politikë për ju dhe për t’i shërbyer me nder interesit publik. Faleminderit!
