Me moton: “Orikumi bashki” zhvilluam një takim me banorë të zonës së Orikumit, Radhimës, Dukatit, Tragjasit, etj, por edhe me anëtarë e simpatizantë të PD në kuadrin e dëgjesave publike për reformën Territoriale Administrative.
Në takimin e organizuar morën pjesë nënkryetari i PD, z. Oerd Bylykbashi, sekretari për pushtetin vendor, z. Ylli Asllani, drejtuesi politik i qarkut Vlorë, z. Bujar Leskaj, deputeti Fatjon Veizaj.
PD, ashtu si edhe gjatë fushatës së zgjedhjeve parlamentare në 2021, ka pasur për Orikumin një qëndrim konstant: Orikumi duhet të kthehet bashki, ashtu siç ka qenë.
Në 2014 Orikumit iu hoq padrejtësisht bashkia, duke bërë që investimet në këtë zonë, të ngadalësoheshin, madje dhe taksat e larta që mblidheshin të mos u riktheheshin banorëve të zonës në shërbime e mundësi zhvillimi.
Projektet u ndërprenë dhe zhvillimi i zonës u ngadalësua, sepse reforma Territoriale e Administrative e vitit 2014 u bë nga PS thjesht për arsye elektorale dhe përqëndrimin e pushtetit.
PD reformën e re Territoriale e Administrative e ka ndër prioritetet e saj, pasi synon një ndarje të drejtë dhe rikthimin e pushtetit te qytetarët, të cilët meritojnë një qeverisje tjetër.
PD e bashkuar do të zhvillojë betejën e saj në Kuvend, edhe pse ndoshta mund të mos ketë numrin e deputetëve.
PD do të kërkojë edhe zhvillimin e referendumeve për këtë çështje.
Falenderoj të gjithë ata banorë të zonës, drejtues të pushtetit vendor ndër vite, etj, të cilët paraqitën problematikat, gjeneruan ide dhe propozuan zgjidhje: Kanan Braho, Ajri Allushi, Mitro Çapo, Agron Sharra, Berdo Berdo, Hamza Kuteli, Nako Mjaltaj, Klodjan Merkohitoj, etj
