Një situatë e pazakontë është regjistruar në Peru, teksa një i moshuar ka hedhur nga shkallët nga një lartësi prej 9 metrash, një dekorues që po lyente pallatin. Dekoruesi Fernández Sanchez, 46 vjeç, po pikturonte pjesën e jashtme të një shtëpie në San Martin de Porres, Lima, Peru. Shkallët e ngritura përballë shtëpisë trekatëshe ishin të lidhura edhe me një derë për të ruajtur stabilitetin. Mediat e huaja shkruajnë se i moshuari u zemërua, sepse sipas tij litari po i bllokonte rrugën. Në video shihet pensionisti teksa tund shkallët me të dyja duart, duke e hedhur përtokë dekoruesin Sanchez, i cili u përplas në beton.
Sipas RPP Noticias, Sanchez u dërgua menjëherë në spital ku mjekët treguan se nuk kishte marrë plagë të rënda. Pronari i shtëpisë, Adam Carranza tha se ai mund të ishte lënduar nëse shkalla do të binte në anën tjetër. Policia ka filluar një hetim dhe po përpiqet të identifikojë burrin pasi incidentit që u kap në kamera.
