Categories Lajme

“Më ranë me grusht, m’u errësuan sytë dhe nxora thikën”, zbardhet dëshmia e 15-vjeçarit që vrau me thikë të riun në Gramsh

Gramshi u trondit mesditën e së martës nga një ngjarje e rëndë, ku 16-vjeçari Fation Bici u vra me thikë, ndërsa u plagos kushëriri i tij.

Për ngjarjen u arrestuan në flagrancë katër adoleshentët: Xh. Ç., 15 vjeç, O. Ç, 14 vjeç, E. K., 15 vjeç dhe S. M., 16 vjeç.

“Ora News” ka publikuar dosjen hetimore me dëshmitë e të miturve, ku mësohet se vrasësi 15-vjeçar E. K ka pohuar se sherri mes dy grupeve fillimisht ka nisur te fusha e lodrave në Gramsh, dhe më pas është transferuar tek shkolla “Asllan Shahini”, aty ku ka nisur dhe konflikti fizik mes tyre.

Dëshmia:

Shtetasi E. Servet. K, ka deklaruar se sot më datë 16.05.2023, ka shkuar në shkollën “4 Dëshmorët”, në fshatin Drizë, si zakonisht, së bashku me tre shokë të cilët quhen S.M, Xh. Ç. dhe H. Ç.

Që të katërt ata, rreth tre muaj më parë janë zënë tek fusha e lodrave, tek makinat elektrike në qytetin e Gramshit, me një grup djemsh ku nga grupi tjetër njeh shtetasin Q. H.

Kur kanë qenë tek fusha e lodrave janë sharë me njëri-tjetrin, gjithashtu edhe herë të tjera kur janë shkëmbyer janë sharë. Konfliktin më shumë Q. e kishte me H.

Ndërsa dy ditë më parë, së bashku me tre shokët e tij, Xh., H. dhe S. kanë vendosur që ditën e sotme të shkonin ta takonim Q. dhe shokët e tij që ta sqaronin një herë e mirë këtë muhabet.

H. me vete kishte marrë një dorezë hekuri ngjyrë gold, Xh. kishte marrë me vete një dorezë hekur ngjyrë gold, ndërsa ai kishte marrë me vete një thikë që hapej me buton, të cilën e kishte blerë në internet për 1000 lekë të reja dhe një palë dorashka boksi ngjyrë të zezë, ndërsa S. kishte marrë me vete thikë që hapët me dore dhe një dorezë hekuri.

Pas shkolle, H., S. dhe Xh.i kanë marrë një makinë dhe kanë ardhur në qytetin e Gramshit, ndërsa ai ka shkuar më pas.

Të katërt janë takuar përpara vendit të quajtur Kosturi në Gramsh, ku pasi janë takuar, janë nisur për te shkolla “Asllan Shahini”.

Kur kanë arritur, kanë parë Q. bashkë me shokët e tij, ku mund të ishin shumë persona.

Sapo janë afruar, H. ka filluar të flasë me Q. për të sqaruar debatin, ndërsa njëra nga djemtë që ishte me Q., e ka sharë nga robt. Personin që e ka sharë nuk e ka njohur, por ishte me flokët kaçurrela.

Deklaron se personi me flokët kaçurrela, e ka goditur me grusht në fytyrë dhe në atë moment ai nuk e ka menduar gjatë, pasi i janë errësuar sytë dhe me dorën e djathtë, ka nxjerrë nga xhepi thikën me buton me hapje ngjyrë gri, me të cilën ka goditur personin me kaçurrela.

Shton se nuk mban mend se ku e ka goditur. Pas këtij veprimi, një nga personat e grupit tjetër ka goditur S. me grusht në bark.

Nuk mbaj mend nëse S. ka goditur njeri apo jo por pashë vetëm që S. u godit me grusht në bark.

Pas kësaj grupi tjetër iku për nga shkolla kurse ne të katërt ikëm për nga gjykata dhe më pas na kapi policia tek lumi.

Kur na kapi Policia, H. e kishte hedhur dorezën në tokë para se të na kapte Policia, unë hodha thikën e gjakosur, Xh. kishte hedhur dorezën që kishte dhe Stiveni kishte hedhur thikën e tij.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Bulqizë/ Aksidentohet 19-vjeçari, transportohet menjëherë në spital

Është aksidentuar një 19-vjeçar ditën e sotme në Bulqizë. Aksidenti ka ndodhur rreth ores 14:15…

LEXO ME SHUME
Categories Lajme

Arrestohet pronari i lokalit në Lushnjë, Ushtrohej veprimtaria e basteve sportive

Policia e Lushnjës ka goditur ditën e sotme një rast të ushtrimit të basteve sportive…

LEXO ME SHUME
Categories Lajme

Kërkohej në Sarandë për trafik droge/ Kapet në Selanik 32-vjeçari

Policia greke ka arritur të kapë në Dhiavata të Selanlikut të kërkuarin të Interpol, Adritak…

LEXO ME SHUME
Categories Lajme

“Blindohen” rrugët e Vlorës, policia kontrolle të shumta pas arrestimit të anëtarit të bandës së “Gaxhait”

Forcat e Ndërhyrjes së Shpejtë (FNSH) dhe policia kanë ngritur postoblloqe të shumta në rrugët…

LEXO ME SHUME
Categories Lajme

Tiranë/ Kamioni përmbyset në rrugë, merr para disa automjete, lëndohet shoferi

Një automjet tip kamion është përmbysur në rrugën ““Ramazan Gaxherri”” në kryeqytet dhe për pasojë…

LEXO ME SHUME