Efi, një nga vajzat e njohura të emisionit Përputhen, e cila tani është banore e Big Brother Vip, ka ndarë një mesazh të rëndësishëm, bazuar në një histori të sajën.
Ajo ka rrëfyer pasojat e një marrëdhënieje me ish-partnerin e saj, i cili ka ndrydhur lirinë saj për një kohë të gjatë, duke ushtruar gjithashtu dhe dhunë psikologjike, deri në atë pikë sa ajo ka tentuar për vetëvrasje.
“Kam pasur një lidhje 4-vjeçare. Ai njeri më la shumë pasoja që i kam pas deri tani shumë vonë. Unë e kam kaluar tashmë. Është diçka që më ka mbajtur goxha kohë. Ka qenë një njeri që ma ka bërë mos ta doja veten. Më thoshte ti nuk vlen, nuk bën, nuk ke vlera, nuk je e zgjuar. Ka ca momente që njeriu nuk do të jetë i fortë. E mendoja dhe besoja që nuk vleja si njeri. Nuk e kuptoja që ai njeri po më dëmtonte dhe fatkeqësisht zgjati shumë kohë. Më ka bërë si paranojake, por sot e dua shume veten time. Ka pasur momente kur më ndalonte të dilja dhe me mamin.
Efi tregon se e kishte mbështetjen e familjes, por në atë kohë ishte ‘e verbuar’ dhe nuk e shikonte se sa shumë po dëmtonte.
Efi kërkoi që ta dëgjonte çdo vajzë që ndodhet në këtë situatë, duke thënë: “Eshtë një gabim i madh të qëndroni me një njeri të tillë.”
