Një grup fshatarësh kanë nxjerrë nga varri një djalë të porsalindur që u varros i gjallë në Kinën lindore.
Foshnja ishte futur nga familjarët në një kuti kartoni më pas u varros.
Jiao Xinglu dhe Zhou Shangdong po kërkonin për kërpudha në malet e largëta afër Laiwu kur gjetën foshnjën.
Jiao dëgjoi një zhurmë në tokë dhe filloi që të gërmojë me duar tokën.
Një grup miqsh dhe familjarësh u mblodhën përreth tij dhe momente më vonë doli në dritë kutia e kartonit me djalin e vogël brenda.
Në videon e filmuar shihet foshnja i mbështjellë me batanije duke fjetur.
Djali peshonte vetëm 1.5 kg. Raportohet se familja mendoi se foshnja kishte vdekur ndaj e varrosën. Sipas gjyshit të tij, ai nuk merrte frymë dhe kishte infeksion të rëndë në mushkëri.
Policia ka nisur hetim mbi rrethanat e ngjarjes. Dhe Xinglu ka shprehur dëshirën për të birësuar foshnjën.
