Komisioni Evropian ka bërë me dije se është duke planifikuar një urdhër për të gjithë prodhuesit e smartphonëve dhe pajisjeve të tjera elektronike. Sipas tyre të gjithë smarphonët do të kenë të njëjtin lloj karikues, përfshirë dhe Iphonen.
Ky propozim i KE do të ketë një ndikim më të madh në Apple, e cila vazhdon të përdorë karikuesin e saj Lightning në vend të lidhësit USB-C të miratuar nga shumica e konkurrentëve të saj. Rregullat synojnë të zvogëlojnë mbeturinat elektronike duke i lejuar njerëzit të ripërdorin ngarkuesit dhe kabllot ekzistues kur blejnë pajisje elektronike të reja.
Përveç telefonave, rregullat do të zbatohen për pajisjet e tjera si tableta, kufje, altoparlantë portativ, tastierë për lojëra video dhe kamera.
Prodhuesit gjithashtu do të detyrohen t’i bëjnë standardet e tyre të karikimit të shpejtë të ndërveprueshëm dhe t’u japin informacion klientëve në lidhje me standardet e karikimit që pajisja e tyre mbështet. Sipas propozimit, klientët do të jenë në gjendje të blejnë pajisje të reja pa një karikues të përfshirë.
