Në pamjet e postuara në internet, fituesja e Grammy dhe fëmijët e saj mund të shihen duke vizituar kanadezët në dhomën e tyre të zhveshjes pas ndeshjes.
“Është një nder i madh që të takoj,” i tha Dion trajnerit Martin St. Louis. “Ishte një natë e pabesueshme.”
Gjithashtu dëgjohej Dion duke u dhënë këshilla sportistëve, duke u thënë atyre: “Vetëm qëndroni të shëndetshëm, të fortë… bëni atë që bëni më mirë”.
Dalja e Dion vjen pak më shumë se pesë muaj pasi ajo anuloi datat e mbetura të turneut të saj botëror Courage për t’u fokusuar në shëndetin e saj.
“Më vjen shumë keq që ju zhgënjej të gjithëve edhe një herë”, shkroi ajo në një mesazh të 26 majit, të postuar në faqen e saj në Instagram. “Po punoj shumë për të rigjetur forcën time, por turneu është shumë i vështirë edhe kur je 100%. Nuk është e drejtë ndaj jush të vazhdoni të shtyni shfaqjet, dhe edhe pse kjo më thyen zemrën, është mirë që të anulojmë gjithçka tani derisa të jem vërtet gati të rikthehem përsëri në skenë”, tha ajo. “Dëshiroj që të gjithë ta dini, nuk po dorëzohem dhe mezi pres t’ju shoh përsëri!”
Në dhjetor 2022, Dion tregoi se ajo ishte diagnostikuar me sindromën e ‘personit të ngurtë’, e përshkruar si një çrregullim neurologjik “shumë i rrallë” që shpesh mund të shkaktojë spazma muskulore.
