Presidenti i vendit Ilir Meta i është përgjigjur akuzave të kryeministrit Edi Rama dhe Damian Gjiknurit, se ai ka shkuar fshehurazi në qytetin e Vlorës, dhe ka takuar subjekte që kanë lidhje dhe me krimin.
Meta tha se ai shkon në çdo moment të ditës në Vlorë dhe në Selenicë, dhe madje i shoqëruar dhe nga vetë Gjiknuri, për të takuar banorët që kanë shqetësim devijimin e projektit të rrugës.
Pjesë nga fjala e presidentit Meta:
Nuk dëshiroj që të shmangem nga thelbi i problemit, të gjithë e dinë se presidenti është iniciator i festimeve të 100 vjetorit të luftës së Vlorës, u bënë bashkëpunime edhe me qeverinë, edhe me përfaqësues të pushtetit lokal. Ajo që dua tiu them është se shqetësimi i vërtetë nuk është as dekorimi i Vojo Kushit dhe as i Selam Musait, por dekorimi i Avni Rustemit.
Në bashkepunim me Parlamentin e ardhshëm do kërkoj një dekorate të re për të vlerësuar cdo shqiptar të ndershëm, i cili ndëshkon tradhëtinë e lartë ndaj Atdheut. Ishte detyra ime që të thyej tabutë se kishte 30 vite që kjo figurë ishte lënë mënjanë për shkak të bindjes politike.
Kalojmë te çështja e vizitave të mija në Vlorë, unë Vlorën e kam në zemëer si çdo shqiptar i ndershë, zotërinjtë e duan Vlroën për ta futur në zhepat e tyre. U duket aq e vogël Vlora për xhepat e tyre të mëdhenj, sa kanë çuar dhe Afrim Qendron e ARRSH-së. Nuk kam shkuar unë në Selenicë po ka ardhur Selenica në Presicencë, dhe unë nuk kam ikur fshehurazi në Selenicë por kam ikur në mes të ditës.
Presidenti është gati që të shkojë në çdo moment, edhe me zotërinjtë, që të takohemi me popullin e Vlorës dhe jo me drejtorat e Hipotekës. Banorët e atyre zonave më kanë kërkuar jo vetëm mua, por edhe avokatin e Popullit, raportin e të cilit e pres që të shkoj sërish te banorët. Çdo projekt publik duhet të konsultohet me banorët.
Kur të ketë dëshirë të vijë dhe Damiani, të marrë edhe gurunë me vete, që të takojmë banorët, Presidenti shkoi aty se e kërkoi populli. Presidenti lëviz gjithmonë në mes të popullit si president i popullit, jo si president i Bllokut me sirena dhe 400 makina. Kush ka frikë nga populli ka protokollet e veta. Po të dëshiroj Taulanti të më ftojë edhe në Librazhd, ata të mos merren me këto gjëra por të blejnë paisje për pandeminë, nuk vazhdohet me këtë mënyrë, duhet seriozitet. (E.K/Faxweb.al)
