Ministri i turizmit dhe mjedisit, Blendi Klosi, i shoqëruar nga përfaqësues të institucioneve lokale, prefekti i qarkut të Vlorës, Flamur Mamaj, kryetari i bashkisë së Vlorës, Dritan Leli, si dhe rektori i universitetit të Vlorës, Roland Zisi, në një bashkëbisedim me student të universitetit Ismail Qemali të Vlorës, në luftën kundra plastikës. Sipas Klosit dëmet që shkakton plastika në mjedis, dhe më pas në shëndetin e gjithësecilit janë kolosale, plastika nuk po na merrë vetëm fytyrën e vendit por edhe frymën.Puna e ministrive të linjës si dhe institucioneve lokale nuk mjafton për ta luftuar këtë fenomen, duhet ndërgjegjësimi qytetar ta refuzojnë plastikën si dhe për të sensibilizuar të tjerët për të krijuar një dallgë gjigande e cila të refuzoj dhe të luftoj cdo ditë plastikën, deri në qesen e fundit.
Sipas ministrit Klosi, lufta kundra plastikës në Shqipëri bëhet edhe më e vështirë, pasi në krahasim nga shtetet e tjera mbetjet urbane hidhen vend e pavend, pa u selektuar në seksione të vecanta.
Prej 1 Qershorit 2020 pritet të miratohet në kuvendin e Shqipërisë ligji i cili ndalon përfundimisht plastikën, por edhe ky ligjë nuk mund ta frenoj atë 100 % pa mbështetjen dhe ndërgjegjësimin qytetar, si dhe bisneseve të cilat cdo ditë funksionojnë nëpërmjet plastikës. I gjithë qarku i Vlorës, në shumë zona është i ndotur çdo ditë nga plastika. E cila mund të përdoret për pak çaste por nuk tretet për qindra vjet, duke sjell në këtë mënyrë një dëm kolosal të mjedisit që më pas shkakton probleme edhe tek shëndeti i njeriut.
