Ministrja e Arsimit, Evis Kushi njofton se në vitin e ri shkollor 2022–2023 do të shtohen punonjësit psiko-socialë dhe mësuesit ndihmës.
Ajo shkruan se vitin e ardhshëm shkollor 2022–2023 do të shtohen në ekipet e shkollave edhe 235 punonjës të rinj psiko-socialë dhe 250 mësues ndihmës.
“Ndaj sot me ju lajmin e mirë që vitin e ardhshëm shkollor 2022–2023 do të shtojmë në ekipet e shkollave tona edhe 235 punonjës të rinj psiko-socialë dhe 250 mësues ndihmës. Këto vendime jo vetëm që rrisin më tej cilësinë e sistemit tonë arsimor, por garantojnë edhe më shumë gjithëpërfshirje, mbrojtje dhe siguri për nxënësit në mjediset tona arsimore”.
