Gazetarja Mira Kazhani ka hequr dorë nga puna si specialiste pranë UKT-së. Newsbomb.al shkruan se gazetarja e ka marrë këtë vendim ditë ne sotme, disa orë pasi sqaroi edhe situatën e saj pranë institucionit publik. Ndërkohë arsyet e dorëheqjes nuk bëhen ende me dije. Dy ditë më parë u publikua lajmi se gazetaret Mira Kazhani dhe Bieta Sulo ishin të punësuara në UKT.
Vetëm pasditen e sotme erdhën reagimet e para zyrtare nga kryetari i Bashkisë Tiranë Erion Veliaj, i cili kërkoji edhe ndjesë për faktin që nuk kishte dhënë sqarime të mëparshme.
Gazetarja Mira Kazhani, me anë të një shkrimi të gjatë pranoi se është punësuar pranë UKT-së, teksa shkruante se nuk i del paga e saj si gazetare dhe se kjo është e vetmja arsye që e shtyn Mirën të bëjë 2 apo më shumë punë. Bieta Sulo, nuk ka dhënë asnjë sqarim në lidhje me këtë situatë, por vetëm përshëndeti ndjekësit në rrjetet sociale.
E punësuar pranë UKT-së ka rezultuar edhe Elona Meço, por edhe nga ana e saj nuk ka pasur asnjë reagim. Kjo ngjarje u shoqërua me një bujë të madhe në rrjetet social dhe gazetaret nuk u kursyen aspak nga faqet e memeve.
