@paulamehmetukajj @missuniversealbania 2020 @adorionspalace Contestant Miss Universe Albania Paula Mehmetukaj: “Pika më e fortë e bukurisë sime është guximi, sepse të guxosh nuk do të thotë që nuk ke frikë, por të vazhdosh të ecësh përpara pavarësisht frikës.”
“Bukuria mbi të gjitha është thjeshtësi”- nuk është thënie, jo, është kuptimi i emrit tim. Quhem Paula, dhe siç e thotë dhe emri im, që në vegjëli jam edukuar me thjeshtësinë e së bukurës, kulturës, edukatës, vullnetit për të marrë përsipër gjëra të pamundura dhe mbi të gjitha për të qenë mirënjohëse. Familja ime, gjëja më e shtrenjtë, përbëhet nga unë, mami, babi dhe gjyshja.
Babai im gjithë jetën përpos dashurisë për librat, dijen, korrektësinë, më ka ushqyer dashurinë për biznesin, degë të cilën e studioj dhe po e vë në zbatim. Im atë më ka mësuar të guxoj, të mos kem frikë nga asgjë dhe askush. Më ka mësuar që nëse ndjek principet e një njeriu të drejtë do ec vërtet në jetë. Ndërsa mami është balerinë në Teatrin e Operas dhe Baletit.
Ajo më ka ushqyer dashurinë për artin, baletin, duke arritur që unë të jem pjesëmarrëse dhe fituese e olimpiadave të ndryshme të baletit që fëmijë. Ajo ka qenë pjesë e Missit të parë shqiptar dhe këshillat, shtysën, mbështetjen kryesore për këtë kompeticion, e marr nga ajo. Nuk ekziston një njeri më perfekt që të më udhëheqë në jetë dhe kudo, shembulli ideal, mikja ime më e mirë. Ndërsa nëna është kujdesur për mua që fëmijë, më ka mësuar parimet kryesore të një njeriu fisnik, më ka mësuar dallimin mes së mirës dhe të keqes, etikën, kulturën, principet e një njeriu të lartë. Më shijojnë shëtitjet në natyrë me qenin tim, Toton, pasi i dashuroj kafshët dhe jam kundër keqtrajtimit të tyre. Jam një person social, i respektoj të gjithë, por njerëzit më të ngushtë pranë vetes i kam pak dhe saktë. Nëse do kisha një superfuqi, do vendosja buzëqeshje në fytyrën e gjithë fëmijëve dhe do fshija çdo lot nga sytë e tyre.
