Ky është momenti kur Europa dhe NASA nisën në hapësirë anijen Solar Orbiter. Misioni i saj i paprecedentë është që të sjellë pamje nga polet e Diellit.

Cesar Garcia Marirrodriga, menaxher i projektit për Agjencinë Hapësinore Europiane, tha:

U nisëm për në Diell. Para Solar Orbiter. Është moment fantastik, ne jemi të pandalshëm”.

Anija kozmike me vlerë 1.5 miliardë dollarë do i bashkohet sondës amerikane Solar Parker, me qëllim që të sjellin pamje sa më afër Diellit. Synimi do jetë zbulimi i sekreteve të tij. Rreth 1 mijë shkencëtarë dhe inxhinierë janë angazhuar në këtë mision.

Solar Orbiter peshon 1800 kg dhe është e mbushur me kamera dhe sensorë. Ajo do sjellë pamjet e para nga afër Diellit vetëm në vitin 2022.

Shkencëtarët duan të gjejnë një përgjigje për pyetjen se si krijohet helisofera e Diellit, një flluskë e madhe mbrojtëse që rrethon sistemin tonë diellor, dhe përse kjo flluskë ndryshon me kalimin e kohës.

Dielli hedh herë pas here miliona ton materie, duke shkaktuar probleme edhe në Tokë. Këto stuhi sjellin probleme te satelitët në hapësirë dhe ndërhyjnë te komunikimet në radio.

Me raste, ato mund të shkaktojnë probleme edhe në rrjetin elektrik. Studiuesit shpresojnë se duke marrë njohuri nga Solar Orbiter, të përmirësojnë modelet për të parashikuar shpërthimet më të këqija.