Vijojnë kërkimet për aeroplanin Boeing 737-500 që po fluturonte nga Xhakarta në Indonezi dhe u zhduk vetëm 4 minuta pas ngritjes. Në videon e publikuar në Twitter, shihen pamjet e faqes së njohur FightRadar, ku tregon se si aeroplani ngjitet deri në një lartësi të caktuar dhe më pas zhduket.
Sipas ekspertëve të aviacionit gjithçka ka ndodhur brenda 60 sekondave dhe aeroplani është rrëzuar nga një lartësi prej 3 mijë metrash. Ndërkohë, autoritetet indoneziane thonë se kanë gjetur vendin ku besojnë se aeroplani i pasagjerëve Boeing 737 u rrëzua në det menjëherë pas ngritjes nga kryeqyteti i vendit Xhakarta.
Avioni Sriwijaya Air kishte 62 persona në bord dhe sot janë gjurmuar sinjalet që mendohet të jenë nga regjistruesi i fluturimit të avionit. Më shumë se 10 anije janë vendosur tani në vend me zhytësit e marinës. “Ne kemi zbuluar sinjale në dy pika, kjo mund të jetë kutia e zezë,” tha shefi i agjencisë së kërkimit dhe shpëtimit në Indonezi, Bagus Puruhito.
Innalillahi wa Innalillahi rojiun pesawat boing 737-500 sriwijaya air jatuh di kepulauan seribu petang ini, semoga korban dapat di temukan #SriwijayaAir #jakartapontianak #indonesia #pesawatjatuh #kepulauanseribu pic.twitter.com/5IAozYlzeK
— Sunda Empire (@SundaEmpireOfc) January 9, 2021
