Parashikimi i motit nga Shërbimi Meteorologjik Ushtarak Vijojnë kushtet e qëndrueshme atmosferike mbi vendin tonë duke bërë që tashmë prej disa ditësh të kemi mot të kthjellët.
Edhe për ditën e nesërme moti do të jetë i kthjellët në të gjithë territorin duke përjashtuar vranësirat e pakta kalimtare mbi relievet e larta malore. Përgjatë orëve të mëngjesit në zonat luginore si dhe bregdet do të ketë përsëri mjegull të dendur dhe shikim të reduktuar. Era do të fryjë e lehtë e përkohësisht mesatare gjatë orëve të mesditës në bregdet dhe shpejtësi 1-10m/s. Temperaturat do të vijojnë të mbeten në vlerat e këtyre ditëve të fundit duke arritur nga 9ºC deri në 16ºC në orët e mëngjesit si dhe 25ºC deri në 29ºC në ato të mesditës.
