Dita e sotme do të mbizotërohet nga kushte atmosferike kryesisht të paqëndrueshme. Moti parashikohet me vranësira e kthjellime në orët e mesditës kryesisht përgjatë Ultësirës Perëndimore.
Vranësirat pritet të pasohen nga reshje shiu me intensitet të ulët kryesisht në pjesën e parë të ditës në të gjithë territorin. Në jug të vendit më pas do të kemi një ndërprerje të përkohshme, e cila do të riaktivizohet në orët e mbrëmjes kryesisht përgjatë vijës bregdetare e në veriperëndim me intensitet të ulët e lokalisht mesatar.
Në lartësitë mbi 1200 metër priten reshje bore me intensitet të ulët. Era do të fryjë me drejtim verilindje-juglindje me shpejtësi mesatare 5 m/sek e shoqëruar me valëzim në dete të forcës 1 ballë.
Temperaturat parashikohen:
Në zonat malore -2 deri 10°C;
Në zonat e ulëta -1 deri 17°C;
Dhe në bregdet 7 deri 17°C.
