50 balerina dhurojnë spektakël jashtë kabaresë franceze. Kabareja e famshme franceze Moulin Rouge ka festuar 130-vjetorin e saj në Paris. Me këtë rast 50 balerina të veshura me shumë ngjyra kanë përformuar në rrugë jashtë kabaresë, në një shfaqje prej 15 minutash e cila u ndriçua edhe nga fishekzjarret e shumta.
Kjo nuk ëhstë e zakonshme në Paris, ndaj dhe mijëra njerëz kanë ndjekur spektaklin, teksa policia e mundësoi këtë duke bllokuar rrugën ku ndodhet kabareja.
Moulin Rouge u themelua më 6 Tetor 1889 dhe kulmin e pati gjatë të ashtuquajturës “belle opoque” të Francës. Dhe është pikërisht filmi me të njëjtin titull me aktore protagoniste Nicole Kidman që tregon suksesin e kabaresë.
Edhe sot Moulin Rouge ofron dy shfaqje në natë për publikun me bileta që shiten thuajse gjithmonë të gjitha. Rreth 600,000 njerëz grumbullohen në teatër çdo vit. Tv Klan.
