Padyshim që është një nga adoleshentet më të famshme në botë, sidomos për kauzën që ka marrë përsipër. Greta Thunberg është nominuar sërish për çmimin Nobel, për kontributin e saj në luftën ndaj ngrohjes globale dhe krizës klimaterike globale.
Ajo është nominuar nga dy politikanë suedezë për çmimin për kontributin në rritjen e ndërgjegjësimit në gjithë botën. Politikanët Jens Holm dhe Hakan Svenneling nga Partia e Majtë, deklaruan se adoleshentja u ka hapur sytë para krizës klimatike.
Nxënësja suedeze i ka inkurajuar të rinjtë dhe fëmijët në mbarë botën që ta braktisin përkohësisht mësimin dhe të protestojnë për të kërkuar më shumë masa kundër ndryshimeve klimatike. Kjo lëvizje tashmë është përhapur në disa kontinente në tërë botën.
