Është ndarë sot nga jeta para kohe nëntetari Erjon Naska, anëtar i Forcave të Armatosura. Mësohet se Naska humbi jetën teksa ishte në punë, ndërsa dyshohet se ndërroi jetë si pasojë e një arresti kardiak.
Të shumtë ishin komentet nga familjarët dhe miqtë e tij, të cilët prekin me mesazhet kushtuar nëntetarit.
“Na trishtove pa fund N/Tetar Erjon Naska. S’duam ta besojmë që ti s’je më pranë nesh, pranë togës së parë, pranë kompanisë së parë…Zemërluani i togës së parë, djali që nuk prishte kurrë qejf, djali që u jepte moral të gjithëve…më mungon pafund shoku im, miku im vëllai im…qofsh i xhenetit Zoti të pastë pranë vetes.”, shkruajnë miqtë e tij. për lajmin e hidhur ka reaguar edhe ministry i Mbrojtjes Niko Peleshi.
Peleshi iu ka shprehur ngushëllimeve familjes së nënoficerit dhe kolegëve të tij.
“Tej mase i hidhëruar nga lajmi i tmerrshëm i ndarjes së papritur nga jeta të nëntetar Erjon Naska, pjesë e batalionit të dytë të këmbësorisë. Ngushëllimet më të sinqerta familjes së nënoficerit dhe kolegëve! U prehsh në paqe trim!”, shkruan Peleshi. (BalkanWeb)
