Pas lajmit se policia ka ndaluar prokurorin e Gjirokastrës Spartak Çoçoli, ka reaguar edhe Prokuroria e Përgjithshme.
Në një njoftim dërguar medieve, thuhet:
“Prokuroria për Krime të Rënda është duke kryer hetime në lidhje me procedimin penal nr 08/2019 për veprat penale të parashikuara nga nenet 319 dhe 319/ç .
Prokuroria për Krime të Renda nuk ka kërkuar asnjë masë sigurimi personal në Gjykatën e Krimeve të Rënda për prokurorin Spartak Çoçoli.
Po ashtu dhe policia nuk ka proceduar me arrest në flagrancë.
Pra, nuk ka as urdhër ndalimi nga prokuroria dhe as vendim gjykate për arrestim dhe as arrest flagrancë nga policia.
Prokuroria për Krime të Rënda po kryhen veprime hetimore lidhur me këtë procedim”.
