Ka ndërruar jetë disa ditë pas aksidentit të rëndë, në spitalin e Korçës i riu 28-vjeçar. Erjon Larti, 6 ditë më parë po udhëtonte me mjetin e tij tip Volkswagen, në drejtim të fshatit Bulgarec, ku humbi kontrollin e makinës dhe goditi një automjet tjetër të parkuar në anë të rrugë.
Për pasojë 28-vjeçari mori plagë të rënda dhe prej një jave ndodhej i shtruar në spitalin e Korçës ku ditën e sotme ka ndërruar jetë.
