Ka ndërruar jetë Madeleine Albright, ish Sekretarja e Shtetit në SHBA, gruaja e parë që ka mbajtur këtë post.
Albright ndërroi jetë në moshën 84 vjeçare, si pasojë e sëmundjes së kancerit, bën me dije familja e saj.
Madeleine Albright lindi në Prague dhe emigroi në SHBA si refugjate në vitin 1948.
Ajo njihet si kampione e demokracisë dhe të drejtave të njeriut dhe një figurë qëndrore në administratën e Presidentit Clinton, fillimisht duke shërbyer si ambasadore e SHBA-ve në Kombet e Bashkuara dhe më pas si Sekretare e Shtetit.
Albright ka mbështetur gjithmonë idenë e zgjerimit të NATO-s dhe ka shtyrë këtë aleancë të ndërhyjë në Ballkan për të ndalur genocidin serb. Ajo ka patur një vëmendje të veçantë për Kosovën.
Ish Sekretarja, ka qenë një zë i fuqishëm kundër genocidit dhe pastrimit etnik si edhe një zë i fortë për reduktimin e armëve bërthamore dhe respektimin e të drejtave të njeriut.
