3 personat, me inicialet G.A, S.M, K,M janë proceduar penalisht pasi në plazhin e Jonufrit, kishin ndërtuar tenda metalike, pa lejen e organeve kompetente. Gjithashtu është proceduar penalisht dhe 28-vjeçari me inicialet Xh.Gj , pasi në plazhin e Borshit, kishte vënë një mol plastik në ujë.
Njoftimi i Policisë: DVP Vlorë
Kishin ndërtuar pa leje, në plazhet e Jonufrit dhe Borshit, procedohen penalisht 4 shtetas.
Si rezultat i kontrolleve dhe i verifikimeve në zonat urbane dhe në ato bregdetare, me qëllim parandalimin, konstatimin dhe goditjen e paligjshmërive në fushën e ndërtimeve, si dhe bazuar në informacionet e siguruara në rrugë policore, shërbimet e komisariateve të Policisë Vlorë dhe Himarë kanë goditur 4 rast të tjera të paligjshmërive në këtë fushë, si dhe kanë referuar materialet në Prokurori, ku nisi procedimi në gjendje të lirë, për veprën penale “Ndërtimi i paligjshëm, për shtetasit:
-G. A., S. M. dhe K. M., pasi në plazhin e Jonufrit, kishin ndërtuar tenda metalike, pa lejen e organeve kompetente;
-Xh. Gj., 28 vjeç, pasi në plazhin e Borshit, kishte vënë një mol plastik në ujë, pa lejen e organeve kompetente.
Kontrollet vijojnë në të gjithë vijën bregdetare të qarkut.
