Një 49-vjeçar është vënë në pranga për shkak të një ndërtimi pa leje në lagjen “Ujë i Ftohtë”, Vlorë. Bëhet me dije se 49-vjeçari po kryente punime në një tokë shtetërore, pa lejen e institucioneve përgjegjësese, në zonën e quajtur “Kalaja”.
Gjithashtu është sekuestruar edhe një mjet tip ekskavator në lumin Shushicë, i cili përdorej për gërryerjen e lumit dhe marrjen e inerteve në mënyrë të jashtëligjshme.
Materialet u referuan në Prokurorinë pranë Gjykatës së Shkallës së Parë Vlorë për kryerjen e veprës penale “Ndërtim i Paligjshëm”.
Vlorë/Ndërtoi pa leje në vijën bregdetare, në Vlorë, vihet në pranga 49-vjeçari Andon Danaj . Në vijim të punës për parandalimin, evidentimin dhe ndëshkimin e ndërtimeve pa leje, veçanërisht në zonat urbane dhe ato bregdetare, shërbimet e Komisariatit të Policisë Vlorë, bazuar në informacionet e marra se një shtetas po kryente punime pa leje, në vijën bregdetare, në lagjen “Uji i Ftohtë”, kanë ushtruar kontroll në këtë zonë. Gjatë kontrollit u konstatua se shtetasi Andon Danaj. kishte nisur të ndërtonte një objekt, pa lejen e organeve kompetente.
Në vijim të veprimeve, nga specialistët për Hetimin e Krimeve të Komisariatit të Policisë Vlorë u arrestua shtetasi A. D., 49 vjeç, banues në Vlorë, për veprën penale “Ndërtimi i paligjshëm”. Materialet i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
