Ditën e sotme bëri bujë lajmi se Këshilli i Qarkut të Kukësit i ka hequr titullin “Nderi i Qarkut Kukës” publicistit dhe politikanit kosovar Veton Surroi. Ky vendim u mor në mbledhjen e mbajtur këtë të premte, ndërsa për këtë reagoi edhe kryeministri Edi Rama, i cili e quajti një lajthitje kolektive dhe tha se shpreson që Prefekti ta rrëzojë këtë vendim. Pas reagimit të Ramës, menjëherë reagoi edhe kryetari i Bashkisë së Kukësit, duke thënë se ky vendim ishte i Këshillit të Qarkut Kukës dhe jo i këshillit Bashkiak Kukës, të cilin e ka fshirë.
“Reagim i Detyruar! Nisur nga shumë lajme nga media dhe portalet për heqjen e titullit “Qytetar Nderi” Veton Surroit, duhet sqaruar se ky është një projekt -vendim i Këshillit të Qarkut Kukës dhe jo i këshillit Bashkiak Kukës.
Ky projekt -vendim kolegjial i marrë nga Këshilli i Qarkut ,merr formë nëse do konfirmohet nga Prefekti i Qarkut sipas bazës Ligjore”,- shkruan Gjici në postimin e parë. Ndërkohë që pas disa minutave, Gjici e ka fshirë këtë postim dhe ka hedhur një tjetër, ku kërkon falje për këtë veprim të nxituar nga Këshilli i Qarkut, ndërsa u shpreh se heqjen e titullit e kishin kërkuar 57 familje të dëshmorëve të UÇK-së.
Por edhe pse kërkoi të justifikohej, video nga mbledhja tregon se ka qenë Safet Gjici ai që ka kërkuar me ngulm që Veton Surroit t’i hiqej titulli, duke thënë se Surroi po bën fushatë politike dhe mediatike kundër ushtarëve të UÇK-së. “Ai po bën fushatë politike, mediatike kundra ushtarëve dhe ne nuk mund ta pranojmë këtë ‘Nder i Qarkut. Çfarë deri është ku? Duhet ta heqim sot dhe le të shkojë ta çojë në gjykatë” u shpreh Gjici ndër të tjera.
Kërkesa për heqjen e titullit “Nderi i Kukësit” sipas kryetarit të Këshillit të qarkut Kukës Abdullah Domi është bërë nga mjeku Misin Braha dhe një gazetar me mbiemrin Murati.
Video nga Euronews:/newsbo mb
https://streamable.com/f3bppb
