Banorët e fshatit Rembec dhe Oman në Korçë protestuan sot për mungesën e ujit të pijshëm.

Ata thonë se uji që vjen është i ndotur, madje njëri prej tyre nuk heziton të tregojë edhe një napë të bërë sterrë nga balta me të cilin kullojnë ujin.

“Pijeni ujin që kemi pirë ne,”tha një tjetër i revoltuar.

“Kemi vite pa ujë, por ka një vit që nuk vjen uji fare, nga një orë. Dhe kur vjen është i ndotur. Jemi 400 familje në Oman, pa ujë dhe doktor” tha një i moshuar.

Ata paralajmërojnë se do të bllokojnë dhe shkollën nëse problemi i tytre nuk merr zgjidhje.

“5 Ujësjellësa kanë sjellë, asnjë nuk funksionon. Do vazhdojmë të protesojmë, do të bllokojmë shkollën.”