Bashkia e Vlorës ka organizuar një Konferencë Përkujtimore Shkencore në kuadër të 75 vjetorit të Çlirimit të vendit. Kanë marrë pjesë në këtë aktivitet veteranë të luftës, familjarë të dëshmorëve, intelektualë dhe qytetarë.
Referuesit e kanë cilësuar si një moment të rëndësishëm këtë aktivitet, pasi Lufta Antifashiste Nacional Çlirimtare, mbetet një nga ngjarjet më të mëdha të popullit shqiptar. Kryetari i Bashkisë së Vlorës, Dritan Leli ka theksuar se 75 vjetori i Çlirimit të Vendit është një ngjarje që na bën krenarë të gjithëve. Sipas Lelit në këtë aktivitet përkujtohet një nga ngjarjet më të mëdha historike për të cilën përulemi me respekt dhe ku vlersohet çdo njeri prej të rënëve në luftë për kontributin e jashtëakonshëm që ka dhënë.
