Spitali i infektivit vijon të jetë i izoluar dhe në perimetrin e sigurisë, ndërsa autoambulanca dhe mjekët e veshur me veshje të specializuara tre herë kanë sjell persona të dyshuar me koronavirusin COVID-19.
Do të jenë analizat që do të konfirmojnë nëse kemi të bëjmë me persona pozitivë të koronavirusit, informon gazetarja e Ora News, Anxhela Celibashi.
Por ndryshe nga ditët e tjera nuk ka njerëz pranë perimetrit të sigurisë.
Deri ditën e djeshme afër perimetrit të sigurisë kishte njerëz të cilët ose shoqëronin të afërmit e tyre ose vinin pasi kërkonin tu bëhej testi për të parë nëse ishin me koronavirus apo jo.
Autoritetet spitalore disa herë i kanë bërë thirrje qytetarëve që nëse kanë shenja të temperaturës vështirësi në frymëmarrje, kollë dhe diare duhet të telefonojnë 127 dhe do të jetë ambulanca e cila do të shkojë ti marrë në banesë dhe nuk duhet të vijnë ata.
Deri tani 12 jane të shtruar në spitalin Infektiv (nga Tirana, Durrësi, Fieri, Lushja dhe Rrogozhina). Dy prej tyre janë në terapi intensive, një 66 vjeçar nga Lushnja dhe një 61-vjecare nga Fieri. Ndërsa pjesa tjetër e të shtruarve në pavion janë në gjendje të stabilizuar deri në këto momente
