Policia e Durrësit ka nisur hetimet dhe ka proceduar penalisht në gjendje të lirë një 63-vjeçar me iniciale Gj.Z. të dyshuar për pastrim parash.
63-vjeçari dyshohet se ka ndërtuar një objekt pa leje në zonën e Manzës me vlerë rreth 70 mijë Euro. Këto të ardhura dyshohet se janë përfituar nga veprimtari kriminale, thotë policia e Durrësit, e cila është duke hetuar këtë rast. Ndërkohë, janë proceduar penalisht në gjendje të lirë edhe tre inspektoriatë të Mbrojtjes së Territorit në Bashkinë e Durrësit. Ata akuzohen për shpërdorim detyre.
Tre inspektorët kanë kryer dhe kanë mbajtur procesverbale për prishjen e objekteve të ndërtuara pa leje në zonën e Manzës, por nuk kanë marrë asnjë masë për shembjen e tyre. /tvklan.al
