Karabinierët italianë ndaluan makinën e dy të rinjve shqiptarë për një kontroll rutinë, por nervozizmi i tyre, ka nxitur dyshimet e autoriteteve të cilat më pas vijuan kontrollin edhe në banesën e tyre në të cilën janë gjetur sasi kokaine, marijuane, ekstaze, materiale për paketim dhe të holla në para.
Dy të rinjtë e arrestuar janë Aleksandër Zhava 29 vjeç dhe Lisa Zille 24 vjeçe nga Shqipëria.
Në deklaratën e policisë thuhet se dy të rinjtë shqiptarë nuk ishin në gjendje të justifikonin zotërimin e lendëve narkotike në banesën e tyre.
Të gjitha materialet e gjetura gjatë kontrollit të banesës janë sekuestruar dhe i janë kaluar prokurorisë dhe prokuror i çështjes është Andrea Del Missier.
Arrestimi i tyre është bërë ditën e djeshme, ndërsa të rinjtë pritet të dalin sot para trupit gjykues për t’u njohur me masën e sigurisë.
Sasia e drogës së kapur nuk bëhet me dije, ndërsa hetimet për rastin vijojnë, raporton MessaggeroVeneto.
