Sytë nga qielli! Mendoni dëshirat se është nata e yjeve që bien… Në 10 gusht, si çdo vit, ne festojmë natën e yjeve… Fenomeni është i dukshëm, duke filluar nga mesi i korrikut, por aktiviteti më i madh yjor, ndodh nga data 8 deri në 14 gusht, duke kulmuar pikërisht mbrëmjen e 10 gushtit.
Edhe Shqipëria do të “pushtohet” nga ky fenomen i jashtëzakonshëm. Për të shijuar sa më të plotë magjinë e këtyre netëve, idealja do të ishte që të zgjidhnit një vend në periferi apo në fshat, larg qytetit dhe dritave të tij dhe të keni përballë vetes sa më shumë qiell që të mundeni.
