Një 42-vjeçar shqiptar është vendosur në pranga në Francë pasi është kapur me 5 kilogramë kanabis në automjetin e tij.

Ndaj tij është caktuar masa e paraburgimit ndërsa pritet të dalë para gjykatës më 17 tetor. Ai ishte dënuar tre herë për trafik droge dhe i burgosur dy herë për të njëjtën akuzë. 42-vjeçari shqiptar ishte duke u kthyer nga Spanja drejt Francës kur u ndalua në doganën e Sarrance. Në automjetin e tij u gjetën afro 5 kilogram kanabisi si dhe “letra false italiane”.

Shqiptari nuk ka thënë asgjë para autoriteteve franceze. Ai u vendos në listën e personave që u ndalohet në mënyrë përfundimtare të hyjnë në territorin francez. Përmes avokatit të tij, shqiptari kërkojnë shtyrje të gjykimit dhe pritet të dalë para gjykatës më 17 tetor, ndërkohë që është caktuar masa e paraburgimit.