Drejtoria e Përgjithshme e Transportit Rrugor ka njoftuar nisjen e verifikimit të automjeteve me xhama të errëta.
Me anë të një postimi në rrjete sociale, kreu i DPSHTRR Blendi Gonxhe njofton se dokumentacioni përkatës, pra certifikata e errësimit të xhamave e lëshuar nga prodhuesi, duhet të dorëzohet përmes Formularit të Deklarimit të Subjekteve brenda datës 31 dhjetor 2021.
Bëhet e ditur se mosrespektimi i këtij afati, sjell heqjen nga lista e subjekteve të licensuara që ofrojnë shërbimin e errësimit të xhamave të automjeteve.
Sipas tij, nga verifikimi i bërë deri më tani, ka rezultuar se nga subjektet, serviset që ofrojnë këtë shërbim, janë lëshuar certifikata ISO të prodhuesit që kanë qenë afër afatit të përfundimit të vlefshmërisë.
Njoftimi i DPSHTRR
DPSHTRR, në kuadër të zbatimit sa më korrekt të kuadrit ligjor, ka nisur verifikimin e dosjeve të mjeteve që aktualisht janë të pajisur me certifikatë miratimi të errësimit të xhamave të autoveturave. Nga verifikimi ka rezultuar se nga subjektet, për të njëjtin shërbim, janë lëshuar certifikata ISO të prodhuesit të cilat kanë qënë afër afatit të përfundimit të vlefshmërisë, apo nuk kanë të pasqyruar sic duhet numrin e certifikimit sipas trupës akredituese që e ka lëshuar.
Sa më sipër, dokumentacioni përkatës (certifikata e errësimit të xhamave nga prodhuesi) duhet të përcillet përmes Formularit të Deklarimit të Subjekteve brenda datës 31 dhjetor 2021, në linkun: https://ëëë.dpshtrr.al/promovo-biznesin-tend-subjekt-i…
Mosrespektimi i këtij afati, sjell heqjen nga lista e subjekteve të licencuara që ofrojnë shërbimin e errësimit të xhamave të autoveturave. Gjithashtu, është e rëndësishme që kjo certifikatë të përkojë me markën e filmit të deklaruar nga subjekti.
DPSHTRR ju bën me dije se praktika të tilla do të jenë objekt verifikimi nga Task Forca e Transportit Rrugor, Drejtoria e Përgjithshme e Tatimeve, Drejtoria e Përgjithshme e Doganave dhe Drejtoria e Përgjithshme e Pronësisë Industriale.
