Pas lajmeve të kohëve të fundit për përmbajtjen e lartë të nitrateve dhe nitriteve tek produktet ushqimore e sidomos tek fruta-perimet, ish-ministri i Bujqësisë Edmond Panariti ka treguar një metodë fare të thjeshtë sesi mund të kuptohet përmbajtje e lartë e këtyre substancave të rrezikshme për shëndetin.
Ish- Ministri e shpjegon në hapa të thjeshtë me rastin e shalqirit (bostanit): Merrni një tas ujë, vendosni në të një thelë shalqiri pa fara, dhe pas 10 min, shihni nëse uji është ngjyrosur në ngjyrë rozë ose jo.
Sipas Panaritit, nëse uji ka marrë ngjyrë rozë, atëherë ka përmbajtje të lartë të nitrateve dhe nuk duhet konsumuar. Nëse uji mbetet pa ngjyrë, shalqiri është në rregull.
