Nënkryetari i Parlamentit si përfaqësues i opozitës, Edi Paloka, ka reaguar pas deklaratës së kryeministrit Rama, ku e quante ish-kryeministrin Sali Berisha, si një “materie të biodegraduar”.
Me anë të një postimi në rrjetet sociale, Paloka shprehet se nacionalizmi është streha e fundit që i ka mbetur Edi Ramës.
“Rama eshte ilustrimi me i mire i shprehjes : “Nacionalizmi eshte streha e fundit e maskarenjve”.
Ka kaq kohe qe per te terhequr vemendjen nga skandalet qe po e mbysin, eshte gati te bej gjithshka. Se fundmi, e jo per here te pare, ka marre pozicionin e nacionalistit .”, – shkruan Paloka.
Sipas tij, Rama me Bularatin po përpiqet të largojë vëmendjen nga realiteti politik në vend.
“Mendon vertete se me Bularatin dhe duke i fryre zjarrit te perplasjeve nacionaliste do shpetoje Tahirin, Gjushin, Ballen dhe gjithe tufen e zhgrryer ne krim qe ka rrotull vetes.
Kete strategji e ka ndjekur dhe me heret kur me retorike shterpe pa asnje vlere per shqiptaret u shit si nacionalist qe “po ju tregonte vendin grekerve” , pastaj e mbylli per tre nete rrjesht ne hotel Bushatin me Kotziasin. Perfundimi i “nacionalizmit” te Rames; ju falen Greqise mijera kilometra katrore det perfshi dhe zonat naftembajtese. Ky eshte “nacionalizmi” i vertete i Rames , kryeministrit qe po boshatis Shqiperine nga shqiptaret.”, – shprehet deputeti demokrat.
