Kryeministri Edi Rama ishte i pranishëm sot në një takim me gra dhe vajza në Laprakë, ku foli lidhur me një nga nismat e qeverisë, atë të mbylljes së pikave të basteve.
Por ndërsa u ndal edhe tek arrestimet e bëra ditët e fundit nga “Forca e Ligjit” Rama paralajmëroi një tjetër5 operacion që sipas tij do të jetë i suksesshëm dhe do të zhvillohet nesër.
“Këta të fortët me lidhje të forta kriminale, do të jemi shumë të ashpër me të fortët. Nesër besoj publiku do të njihet me një tjetër operacion të suksesshëm dhe do të vazhdojë deri sa i forti i fundit ta kuptojë se nuk ka të fortë në këtë vend, pasi del nga shtëpia, i fortë është komuniteti.
Ne do ti detyrojmë o të vihen në resht dhe të respektojnë ligjin e këdo qoftë, ose ka vetëm një vend për ta, aty ku shkuan sot ata që janë aty brenda,” tha Rama.
Pas kësaj burime të Fax News thanë se ka burime të shtuara në të gjithë zonën e Shijakut, ndërsa thuhet se RENEA dhe Forcat Operacionale po zhvillojnë sërish operacion atje.
Nuk dihet ende se çfarë ka në fokus ky operacion dhe nëse lidhet me paralajmërimin e bërë nga Rama apo jo.
