Rruga e Arbërit një ndër projektet më të mëdha infrastrukturore, por merr formë dita ditës. Kryeministri Edi Rama ka postuar në profilin e tij në Facebook një video që tregon pamje nga ndërtimi i rrugës, ndërsa shkruan se po merr formë një tjetër urë pjesë në ndërtim përgjatë kësaj vepre të shumëpritur nga dibranët. “Me urën tjetër që po merr formë në rrugën Arbërit dhe me pjesë në ndërtim përgjatë kësaj vepre të shumëpritur nga dibranët, po të vyer për krejt Shqipërinë, ju uroj një ditë të mbarë“, shkruan Rama.
Më herët Rama ka thënë se Rruga e Arbërit do të përfundojë në verën e vitit 2021. Ndërkohë deri më tani në trasenë e re të rrugës së Arberit nga Ura e Vashës deri në Tiranë kanë përfunduar të gjitha urat dhe tunelet e vogëla. Aktualisht për momentin po punohet në hapjen e tunelit të Murrizes i cili ka një gjatësi prej 3.3 kilometrash, ndërsa tashmë puna vijon për segmentet e paasfaltuara të rrugës, kryesisht nga Xibri deri në Qafën e Buallit.
