Një vatër zjarri ka përfshirë kodren me ullishte e ku janë hapur edhe puse nafte në Oficinë të Vjetër në Patos. Mësohet se zjarri ka rënë në një pus nafte në vendin e njohur si sektori 4 i ndërmarjes së nxjerrjes së naftës në këtë zonë të Patosit ku operon një kompani private.
Menjëherë në vendngjarje kanë mbërritur forcat zjarrëfikëse të alpetrolit dhe Patosit ku fatmirësisht morën situatën nën kontroll e shpëtuan nga flakët depozitat me naftë bruto. Nga vendi i ngjarjes theksojnë se zjarri avancoi shumë pasi favorizohej nga era dhe terreni kodrinor nuk i jepte mundësi zjarrefikëses të ndërhynte, të cilët ndihmoheshin edhe nga banorë të zonës.
